Total di 100 boet parti den un solo atardi pa anochi na Aruba

Coremento duro y mas

ORANJESTAD (AAN): Riba Diaranson 7 di October 2026 den oranan di atardi pa anochi a tuma lugar un control den trafico dirigi pa polis di Oranjestad. 

   Na diferente puntonan strategico e controlnan a tuma lugar. Ta trata di Watty Vos Boulevard na altura di rotonde di Bushiri y tambe a controla na altura di Aruba Ports Authority riba Henny Eman Boulevard.

   Unidad Motorisa como tambe departamento di D.T.P. y oficialnan di CEA a forma parti di e control di trafico.

   Segun vocero di Polis, e Control aki principalmente principal tabata riba velocidad.  Un total di 100 boet a wordo reparti di cual 64 ta pa sobrepasa e velocidad maximo.

   E restante ta pa entre otro, rijbewijs, aseguro, impuesto di plachi number, keuringskaart y un detencion pa no tin papel di estadia.

   Cuerpo Policial Aruba lo sigui cu control den trafico y ta recorda pa percura bo tin bo documentonan di bo vehiculo cubo y valido.

   Baha bo velocidad, pone bo smartphone un banda, si bo ta bebe no stuur y cumpli cu reglanan di trafico.  Un trafico sigur ta responsabilidad di nos tur.