Tiramento di boter di cerbes a herida persona y un persona violento a keda deteni

ORANJESTAD (AAN): Tabata Diabierna anochi alrededor di 9:00 pm, cu Polis a manda diferente patruya rumbo pa un adres den Tarabana banda pariba, como cu tin un pelea grandi cu a start.

   A bin haya sa, cu algun persona cu tabata dilanti Pacifico Restaurant na Montana lo a haya nan envolvi den un conflicto, y esaki a escala inespra ora cu trincion un di esnan envolvi a haya un boter riba cabes.

   Parce cu e chauffeur tambe a wordo agredi, pero cu ki seriedad no ta conoci, e auto cu nan tabata cu ne tambe a sufri daño. Pa e motibo ey Forensys tambe a presenta pa documenta e daño material.

   E hoben herida a move di e area di Restaurant na Montana, y despues a yega na un otro adres na Tarabana, y eynan a haya atencion di Paramediconan cu a yega pa atende e golpi y herida ocasiona pa e boter.

   Mientrastanto, a base di investigacion, Polis a detene un hoben, kende ta wordo sospecha di tabata meti den e conflicto y pelea, y el a wordo deteni. Esaki a sosode na e adres ya conoci pa polis den Mandolinstraat.

   A compronde cu tur esaki lo ta trata di un problema bieu. Si ta bon polis tin atencion pa e caso aki, y no ta descarta cu lo por tin continuacion.