Tabata despues di 4’or di atardi y ya caba chauffeur tabata burachi

ORANJESTAD (AAN): Diahuebs atardi algo pasa di 4:30’or, un unidad di Polis a ser manda riba caminda di Papaya,

unda cu un auto a drenta mondi.

   Ora cu e patruya a yega, nan a bin mira cu un auto a drenta den pida mondi.  E chauffeur a sali ileso, y autoridad a cuminza papia cu ne.  Durante e combersacionnan, Polis a ripara cu e persona tin caracteristica di un hende cu ta bao influencia.  Esey ta bin debi cu su wowo ta basta cora, e no por para keto y stret, y ta papia cu lenga basta pisa.  Pues Polis a sospecha cu e lo a bebe un tiki di mas.

   Nan a pidi su cooperacion pa haci test di supla pa check alcohol den su curpa.  Asina a uza e aparato di Alco-Sensor y manera agentenan a sospecha, el a sobrepasa e limite di µg/l legal di alcohol.  Mesora nan a informe cu e ta wordo deteni pasobra ta coriendo auto bao influencia y haye envolvi den accident.

   Analizando e lugar di accident, ta cla cu e auto tabata yegando cu velocidad halto for di pariba, y ta pasa no mucho leu di un cura di cas drentando full den e mondi cu di baina bo por a mir'e.

   Polis di Trafico a wordo pidi pa yega na e lugar, y a nota cu team di Forensys tambe a bin traha rapport.