Presidente di SPA, Lito Lacle:
ORANJESTAD (AAN)- Mirando cu e lunanan nos dilanti ta un temporada pisa, di hopi actividad, tanto pa fin di aña y aña nobo como tambe e temporada di carnaval, señor Lito Lacle, Presidente di Sindicato di Polis SPA, a declara den entrevista cu Matutino DIARIO, cu e ta premira e parti bon aworaki, pasobra SPA ta sinta na mesa cu Cuerpo Policial. Nan tin reunion cu Mando Policial dia 15 di September, y e comunicacion ta bon como sindicato, y nan ta yegando na cierto logronan.
“Premirando Januari pa e carnaval, por ehemplo, unda e personal civil tin cu yuda polis den tur sorto di forma, manera e logistica, e coleganan riba caya, tin cu zorg pa tur hende ta contento. Aworaki nos ta papiando cu un Cuerpo Policial cu nuebe werkster pa dos edificio, y dos persona pa laba auto pa full KPA.
Anto, con por impedi nan pa traha overtime? Bo tin otro solucion? Si bo bira na salario, nan tur ta na 700 Florin bao di bestand minimo. Nos tin cu zorg pa laga nan haci nan trabao y pa Cuerpo Policial ta bon”, Presidente di SPA, Lito Lacle a remarca.
