Siman di Polis ta dedica na señor Eufemio “Cuchi” Thielman

ORANJESTAD (AAN): Diaranzon 10 di Augustus, Cuerpo policial a haci apertura di nan 'Siman di Polis'.

E biaha aki e comision a dedica e siman aki na señor Eufemio “Cuchi” Thielman.

Comision a invita sr. Cuchi y su famia na e apertura y na unda a dune su reconocimento merecidamente. Alto Comisario interino señora Irma Gordon a hiba palabra durante e inauguracion. Tambe tabata presente Alto Comisario nobo señor Ramon Arnhem.

Comision di celebracion di siman di polis a dedica  e korpsweek 2022 na sr. Cuchi Thielman.  Sr. Cuchi a traha na Corsow como cuidado di preso. Despues di eynan Cuchi a solicita y a bira polis na Cuerpo Policial Antillas. Cuchi a bin Aruba, na unda e la baha cu pensioen cu su 50 aña for di Cuerpo Policial Antillas. Cuchi na Aruba a cuminsa viaha tur aña cu e comision di korpsviering di Aruba.

Comision a comparti un anecdota di Cuchi. Esey ta cu ora e comision viaha pa sea Corsow of Boneiro, Cuchi tabata bay haci compras pa traha wea di sopi pa e grupo di Aruba. Cuchi ta un tremendo persona. Y di parti di comision di korpviering tabata un honor pa a reconoce Cuchi. Comision ta spera cu Cuchi keda compañanan pa hopi aña mas durante e siman di polis.