Señora victima di 'hit & run' na Driemasterstraat

ORANJESTAD (AAN):  Algo prome cu 8'or, Diasabra anochi, polisnan a bay altura di BaraBar (ex-United Dinner).

E meld tabata pa un auto cu a dal un hende muhe lag'e benta abao.

   Ora cu Polis a yega na e adres a topa cu e señora ariba suela, pero nada di e vehiculo cu a comete 'hit & run'.

  Na e lugar, segun testigonan, locual cu a dal'e a sigui bay nort ariba Driemasterstraat.  No tabata tin claridad si tabata un auto of un scooter. Locual si a constata ta cu restonan di luz a keda benta ariba caminda.

  Paramediconan a presenta mesora pa atende cu e señora kende tawata na tino.

  Polis di trafico tambe a presenta pa asina atende cu e accidente aki.