Riba e anochi di Aruba Soca Monarch 2026 a reparti 25 boet

ORANJESTAD (AAN): Diasabra atardi prome cu e gran final di Aruba Soca Monarch 2026, Polis uniforma di San Nicolas a tene nan control den trafico.

Un total di diez Polis a subi caya y riba caminda grandi di Savaneta a eherce nan control di trafico.

   E grupo aki a controla en total di 100 auto y vehiculo, y e conteo final ta cu nan a reparti un total di 25 boet pa infraccion cometi den trafico.

   E boetnan tabata pa diferente tipo di infraccion den trafico manera cu no a uza Child Seat, luznan dilanti di auto, keuring, rijbewijs, faha di seguridad, etc.

   Mayoria di chauffeur tabata tin nan documentonan na ordo y no tin tabata chauffeur bao influencia di alcohol.

   Despues den oranan di anochi a tene un otro control preventivo riba bicicleta, esta e asina yama ‘Bike Team’ di San Nicolas. A controla varios caminda rond di evento di Aruba Soca Monarch 2026 pa preveni kiebro di auto, movimentonan sospechoso pero tambe infraccion den trafico. Ciudadanonan tabata contento di mira Polis move y controlando riba bicicleta.

   Cuerpo Policial ta keda enfatisa cu controlnan den trafico ta sigui. Nan ta corda tur hende pa percura bo tin bo documentonan di bo vehiculo di motor na ordo, bisti bo faha di seguridad, pone bo smartphone un banda, baha bo velocidad y si bo ta bebe NO stuur. Percura pa bo tin Bo Amigo Responsabel.