Captura grandi:
ORANJESTAD (AAN): E barcu di Marina Hulandes Zr.Ms. Groningen, nabegando pa Wardacosta di Caribe Hulandes, riba dianan 20 y 22 di Augustus a intercepta dos transporte di droga den Laman Caribe.
Zr.Ms. Groningen, durante su patruyanan a keda informa pa Wardacosta, tocante cu a detecta un speedboat tipo Go-Fast, y den ambos caso a ricibi asistencia di e avion Dash-8 di Wardacosta.
Autoridadnan na momento di yega cerca, a baha e botonan rapido di intercepcion, esta e asina yama FRISC, cu tabatin na bordo un ekipo combina di tripulashon di e barcu hunto cu e Escuadron di Marine Fleet di Merca, cualnan ta abordo di Zr.Ms. Groningen.
Como e prome Go-Fast no kier a stop despues di advertencia ni tironan di advertencia, a usa snipers pa tira dirigi riba e motornan di e Go-Fast, y e ora si el a wordo obliga pa stop.
E di dos Go-Fast su capitan si a stop despues di e prome tironan di advertencia. En total Zr.Ms. Groningen a captura mas cu 2.500 kilo di droga, di cua casi 550 kilo tabata cocaina riba e prome go-fast y mas o menos 2.000 kilo di marihuana cual paketenan tabata riba e di dos captura.
Ambos caso a keda atende den bon cooperashon cu Wardacosta di Caribe Hulandes y Cuerpo Policial di Curaçao. Entretanto tur droga a keda destrui.
Zr.Ms. Groningen for di mei 2023 ta activo den Region Caribe como barco patruyero y ta intercambia operashonnan anti droga den e region cu sosten di parti di Wardacosta di Caribe Hulandes.
