ORANJESTAD (AAN): Danki na tips cu ta sigui drenta, autoridadnan na Aruba ta sigui actua contra hendenan cu ta bende droga!
Pesey Project Team Drugspanden ta un team cu a worde lanta pa entre otro pa investiga bendemento di droga for di un cas y ariba caya.
Riba Diabierna, relaciona cu un investigacion andando Project Team Drugspanden a tene un razzia na un cas na Avenida Milio Croes. Polis a confirma cu aki a detene un hende homber di inicialnan G.R.J. di 40 aña, naci na Hulanda. Tambe e detene e muher di inicial A.H.S. di 35 aña naci na Colombia.
Durante razzia na e cas a confisca droga entre otro Ecstasy (XTC), Cocaina y marihuana. Tambe a confisca artefactonan pa procesa droga.
Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nos ta pidi si bo tin cualkier informacion yama nos tiplijn di Polis cu ta: 111-41.
Nan ta garantisa cu bo ta keda anonimo. pa bendemento di droga.
