Prome  polis di Aruba tabata den siglo 17 y 18

 == Tabata den siglo 17 y 18 cu nos mesun hendenan tabata yuda jinetenan di e commandeur pa hunta cabay y burico.

Despues a bira polis y a carga e nomber agente di polis di Aruba. Ta muy probabelmente nan tabata e prome polis di Savaneta y Aruba. Nan tabata mas o menos dies persona en total. E tempo ey tabata tin dos hefe hulandes. Nan tabata bisti carson blanco, bachi preto y un pechi preto cu tabata mescos cu e soldatnan Americano a bisti durante segunda guera mundial. Nan tabata bisti e uniform aki, conoci pa “kleine tenen”. Riba dia normal y durante celebracion special nan tabata uza un uniform di gala, bachi cu plumashi conoci como “grote tenen”.

Como cu e salario di polis tabata 30 florin pa luna y pa gana un tiki mas nan tabata haci un trabou extra. 

Scol di Polis Sr. Edgar Joaquin (Watty) Vos 

== Aña 1975 a funda scol di polis. Esaki nifica 46 aña pasa a forma y educa tur hobennan cu kier a bira polis. E tabata situa den edificio cu nos conoce awe como “IPA, Insituto Pedagogico Arubano” situa na San Nicolas. Durante estudio mester a keda drumi na Scol di Polis. Tur ehercicio tabata semi militar e tempo ey.

Pero despues di aña a busca un mihor lugar mas amplio cu mas local y awe e ta situa na Fortheuvelstraat. Na aña 2000 riba 16 augustus a reconoce scol di Polis como nomber di ex-ministro di Husticia Sr. Edgar Joaquin (Watty) Vos. Awendia e mesun fecha aki ta celebra oficialmente Dia di Polis.