Posibel atake y hincamento pafo di Club Nocturno na Tanki Leendert  

ORANJESTAD (AAN): Tabata Diadomingo marduga alrededor di 3:00 am, cu Central di Polis a manda patruyanan di Polis pa bay riba caminda di Pos Abao pa Kibaima,

na altura di un club nocturno na Tanki Leendert.  Esaki debi cu yamadanan a cuminza drenta cu tin un pelea grandi tumando lugar eynan.

   E prome unidad di Polis cu a yega, a topa cu un grupo di persona, kendenan ta tiki razo ainda, y cu kizas nan tabata envolvi den e pelea.

   Polis a cuminza check rond, y un di e personanan presente tabatin un herida, den forma di un corta na su cara cu tabata sangrando.  Ta bisto cu aki un hende lo a zwaai y dal e cu un boter.

   E agentenan a yega cerca di un auto compacto, esta Honda Fit y den dje a topa cu hende herida, unda ta papia di hincamento. 

Un di esnan presente lo tabata tin corta na cara, esaki posiblemente door di tiramento di boter.  Autoridad a ilumina e persona cu flashlight y nota enberdad algo cu ta parce hinca.

  No obstante esey, e personanan presente no tabata kier a coopera cu Polis, pa nan wordo yuda e ora. Aparentemente ambulance a wordo manda na e lugar pa controla esnan herida.

   Tabata bisto si cu mayoria di esnan envolvi tabata mustra di ta bao influencia, y a keda basta hostina eynan.