Porta a dal habri inespera y pasahero femenino a cay di Truck

ORANJESTAD (AAN): Diaranson merdia un situacion di emergencia a socede riba caminda principal di Santa Cruz. 

Un Toyota Truck liviano color cora cu number A-63925 moviendo direccion panort, diripiente e porta di pasahero a dal habri.

  Na altura di e emisora Top FM, e porta a habri inespera, y un dama sinta na banda a cay abao bay te na tera.  Polis a wordo yama, y di biaha a yega y haya e dama abao herida.  Ambulans tambe a yega y mesora nan a core bay check e situacion di e victima, y a dicidi cu ta bay cune mesora pa Hospital.  Lo tin di bay check e situacion di e truck pa asina mira kico a bay malo cu e porta.