Polis di Aruba y Corsou a termina Master Ehecutivo den Liderazgo Policial

ORANJESTAD (AAN): Recientemente a tuma lugar entregamento di Diploma na 10 agente Policial tanto di Cuerpo Policial Corsou y como tambe Cuerpo Policial Aruba.

            E 10 agentenan policial a participa pa sigui un estudio di Master Ehecutivo den  liderazgo Policial. Esaki a inicia na 2019 na unda cu College van Korpschefs a bini hunto pa asina realisa e estudio aki pa asina inverti den agentenan pa nan por desaroyonan mes como lider. E estudio aki tambe tabata tin un bon cooperacion cu Nederlandse Politie Academie na unda e docentenan Sr. Schreurs como tambe Sra. Van de Zee.

            Altocomisario di Polis di Korsou Sr.Ellis como tambe altocomisario di Polis di Aruba Sr. Arnhem tabata presente na e momento special aki pa duna honor na e graduadonan.

            No tabata un estudio facil mirando varios factor difícil a tuma lugar na caminda pero cu determinacion y guia nan a surpasa tur. A entrega 5 agente policial di Aruba di fam Zara, Visser-Boekhoudt, Morel, Vrolijk y Leer y 5 agente policial di Corsou di fam Haile, Rodriguez, Haselhoef, Zwerwer y Aljadidi nan respectivo di diploma.

            Cu e diploma aki den man e agentenan policial por reforsa e Cuerpo den liderazgo profesional den departamentonan specialisa pa asina por sigui carga e Cuerpo. Despues di 5 aña Cuerpo Policial di Aruba y Korsou ta asina orguyoso cu trahando hunto por a oragnisa un estudio policial na Aruba y na Korsou pa nos mesun hendenan.

            Altocomisario sr. Arnhem ta orguyoso di mira nos mesun personal sigui crece y desaroya. Trahando hunto so nos por logra cosnan grandi pa e Cuerpo.

            Conhuntamente cu College van Korpschefs lo sigui desaroya den e agentenan pa nan por sigui avansa profesionalmente den nan carera policial pa asina por sigui crea líder y un equipo hoben y nobo pa e futuro di e Cuerpo.