Polis di Aruba estrechando cooperacion cu NFI Instituto di Hulanda

ORANJESTAD (AAN): Manera ta conoci, Cuerpo Policial Aruba pa hopi aña tin un bon colaboracion cu e asina yama Nederlands Forensisch Instituut (NFI).

   Recientemente account manager Internacional di NFI sra. Judy van Overveld hunto cu consehero forensico International di NFI sra. Yvette van Duin a haci un bishita di trabou na altocomisario sr. Ramon Arnhem.

   Durante e encuentro aki a mira riba e colaboracion den pasado, a haci tambe un evaluacion y a papia tocante desaroyo pa futuro.

   Aruba claramente a mustra gratitud na NFI pa e bon colaboracion y contribucion valioso cu nan ta duna pa cu e investigacionnan forensico.

   Hunto nan ta traha riba innovacion y resultadonan concreto pa cu investigacionnan.