Cuerpo Policial:
ORANJESTAD (AAN): Informacionnan divulga pa Cuerpo Policial a indica cu den conexion cu un investigacion andando, Project Team Drugspanden a haci un entrada hudicial na un cas na Weg Rooi Hundo. Aki a detene un hende homber di inicialnan J.O.W. naci na Aruba di 36 aña pa bendemento di droga for di e percela menciona.
Durante e entrada hudicial tambe a confisca un cantidad di droga entre otro cocaina y piedra (Base).
Project Team Drugspanden ta un team cu a wordo lanta pa entre otro pa investiga bendemento di droga for di un percela y ariba caya.
Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nan ta pidi si por tin cualkier informacion yama e tiplijn di Polis: 11141. Nan ta garantisa cu bo ta keda anonimo.
