Polis a descubri arma di candela cerca manehado di brommer cu a accidenta

ORANJESTAD (AAN) - Anochi diadomingo, un hoben a resulta envolvi den un accidente despues cu polis di trafico

a duna un brommer señal pa para den area di Tanki Leendert. Segun informacion, e manehado no a stop y polis a inicia un persecusion.

            Durante e persecusion, e brommer a subi ariba tera y a boks contra un palo di luz.

            Na e momento di e accidente, e hoben a keda trapa bao su brommer cerca di un Yaris cu tabata staciona den e area. Polis a pidi pa un ambulance, y mientrastanto, a descubri cu e hoben tabata tin un arma candela.

            Ambulance a yega y e paramediconan a tuma encargo di e hoben y a transport’e pa Hospitaal pa tratamento medico. Si su estado di salud lo permiti, e lo wordo deteni pa autoridadnan policial pa investigacion.

            E brommer a wordo confisca y departamento tecnico di polis a inicia nan investigacion na e sitio di e accidente.