Polis a confisca diferente motorcycle grandi cu yen boroto for di riba caya

Riba Diadomingo Motor Unit Policial cu control pisa...

ORANJESTAD (AAN): Diadomingo merdia prome cu parada di Fantasia Unidad Motorisa di Cuerpo Policial Aruba tabata tin nan control den trafico dirigi riba brommernan tambe auto.

   Durante y despues di parada Unidad Motorisa a keda controla nos trafico pa entre otro infraccion pero tambe chauffeur cu tabata maneha iresponsabel. Cu luz blauw tur caminda, tanto caminda grandi y vecindario tabata un accion exitoso.

   A controla varios vehiculo tanto brommer y auto cu a produci den total 6 brommer a wordo kita for di caminda pa no tin nan documento na ordo. Varios motociclista a ricibi boet halto pa diferente infraccion den trafico y un brommer a wordo tuma den beslag pa hop y haci diferente maniobranan cu tabata trece trafico den peliger.

   Nos di Cuerpo Policial Aruba kier infatisa na tur motociclista pa maneha responsabelmente of lo por tin consecuencia. Percura pa tur bo documentonan ta na ordo pa asina bo pasa e control sin niun problema!

Unidad Motorisa lo keda preventivamente y represivamente controlando pa asina mantene un trafico sigur pa tur vehiculo di motor!

   Ultimo temponan ta ricibiendo reclamo di diferente bario cu ta sufriendo di motociclistanan cu ta core ta drift, revv motor, y haci esaki hasta oranan laat di anochi y tambe marduga.

   Reclamonan a yega di drenta for di Hotel Zone, area di South Beach, Sero Blanco, Mon Pos, Weg Sero Blanco, Palisiaweg, Sabanilla bao, Santa Cruz, Sero Patrishi, Shiribana, Mamoticastraat, Nuñe, Cumana, Primavera, Hooiberg, Paradera, Jaburibari, Bloemond, Dakota, Sabana Blanco, Tarabana, Kadushi Largo, Cashero, y Piedra Plat.

   Sonido duro cu ta lanta babynan chikito fo’i soño y ta keda tembla so.  E cantidad di disgusto cu cierto motorcycle ta trece den pueblo ta sigui crece dia pa dia.