ORANJESTAD (AAN): Diadomingo den oranan di anochi, tanto Ambulance a sali di ImSan, y patruya di Polis di San Nicolas a acudi cu urgencia na un adres na Cura Cabay Zuid, e adres tabata den e compleho di casnan.
Ambulance a wordo notifica di un teenager cu a ser haya eynan, y e no tabata reacciona. Paramediconan a yega y a core controla e hoben, pero a bin nota cu e no tin señal vital mas. Nan no por a haci mucho mas, y a pidi pa busca Docter.
Polis na su turno a pone Bureau Slachtofferhulp na altura di e caso lamentable aki. Segun a compronde cu ta trata di un morto natural. Na famia di e fayecido, DIARIO ta manda palabranan di condolencia.
