Otro accident net pariba di esun grandi na Piedra Plat

ORANJESTAD (AAN): Diasabra anochi poco despues di 8:00 pm, un accident basta pisa a keda registra riba caminda principal di Piedra Plat,

net dilanti parkinglot di Compleho Deportivo Franklyn Bareño.

   Sinembargo ni 20 pa 30 meter mas pariba, chauffeur di un pickup di fabricacion Koreano no a ripara cu tin un accident, y no a regla su velocidad na tempo y a bay ocasiona un accident den cadena.  El a dal tras di un auto sedan Nissan Versa color shinishi, cu na su turno a bay dal tras di un auto sedan Kia Rio color blanco.

   Den e accident aki tambe tabatin un persona cu a ricibi herida na su curpa, posibelmente ‘whiplash’, y a wordo transporta cu Ambulance tambe pa Hospital.