Oficialnan hudicial di Aruba fortificando nan conocemento riba crimen cibernetico

ORANJSTAD (AAN): E digitalisacion di criminalidad ta rekeri atencion y desaroyo continuo.

Pa cu esaki Cuerpo Policial di Aruba (KPA) a y ta inverti durante e ultimo dos añanan, hopi den e profesionalismo di su recherchenan riba e topico complica aki.

   Durante e simannan cu a pasa, departamentonan di Recherche a haya sesionnan di entrenamento sumamente valioso y inspirativo duna pa e docentenan di Corne Henniphof y Eelco Nagel di Recherche Samenwerkings Team (RST) y Korps Politie Caribisch Nederland (KPCN).

   KPA ta traha hopi di cerca cu cuerponan den region Caribense pa fortalece nan conocemento mas aun contra, entre otro, criminalidad cibernetico (cybercriminaliteit). Mas y miho prepara nos ta riba e tema aki mas sigur e sistemanan cibernetico ta.

   Un danki na e funcionarionan di RST y KPCN pa e excelente cooperacion y pa comparti nan conocemento cu KPA di Aruba.