Motociclista herida den accidente di trafico ora cu e tabata bayendo trabou

ORANJESTAD (AAN) – Diasabra mainta, un accidente a tuma lugar banda di ex-Certified, caminda un brommer y un auto a bay den colision.

            Durante e incidente, automobilistanan cu tabata pasa mester a baha nan velocidad, pasobra e motociclista a cay riba suela riba caminda y tabata meymey.

            Un auto di marca Kia cu placa V a para banda robes di caminda cu daño visibel na banda robes.

            Segun testigo, e persona cu tabata riba e brommer tabata bayendo trabou, ya cu tabata bisti un uniform di un hotel grandi.

            Ambulance a yega rapido na e sitio, y a pesar cu e motociclista no tabata gravemente herida, el a wordo hiba hospital pa seguridad. Tabata parce cu el a rasca su elleboog banda robes durante e caida.

            Polis di Playa y Forensys a tuma dato na e sitio pa prepara un rapport formal.

            Un empleado di BFTO tambe a yuda stacionando un van na caminda pa preveni cu trafico por a pasa cerca di e victima durante investigacion.