ORANJESTAD (AAN): Diadomingo marduga ora cu unidad di Polis di Noord tabata pasando y controlando costa parti nort di Aruba,
nan a bin detecta cu tin un Jeep Wrangler color blanco staciona den e parti panort di Kapel di Alto Vista direccion di lama.
Den e vehiculo a bin haya cuatro persona. Polis a bay papia cu nan. E homber cu a bisa cu e ta chauffeur, tabata hunto cu tres dama. Polis a pidi su rijbewijs, y su nomber ta di inicial W.
Dos di e damanan den e vehiculo e momento ey no tin ningun identificacion valido cu nan, pero nan a bisa cu na ta venezolano. Cu permiso di e chauffeur, Polisnan a haci un control pa cu articulonan ilegal of arma den e Jeep.
Den dashboard a bin haya un tas di tela di catuna, conteniendo diferente tipo di droga, dos grinder di marihuana, y un balans. Tambe a bin haya un cartera bruin scur conteniendo papel di Florin Arubiano y Dollars Mericano.
Pero considerando e hecho cu den e tas tin masha hopi y surtido amplio di droga, nan a detene e homber W. pasobra el a viola Articulo 3 y Articulo 4 di Ley di Droga.
Vehiculo di Transporte a bay te eynan pa buske, y a hibe pa Warda di Polis na Shaba, unda Fiscal Auxiliar a atende su caso, y a duna ordo pa e keda deteni, y cu ta pone Unidadnan Anti-Droga di Polis na altura di su detencion. Nan a confisca tur droga y demas atributo cu a wordo haya den e Jeep Wrangler blanco aki.
E dos damanan a wordo hiba Warda di Polis na Shaba tambe, pa controla nan documento. Nan famia a presenta y trece nan documentonan, y asina e dos damanan por a bay cas tambe.
Na final a pone Central di Polis na altura.
