ORANJESTAD (AAN): Den fin di siman, esnan cu ta maneha Veld di Kudawecha a entrega keho na Polis
relaciona cu caso di ladronicia cu a socede eynan, posiblemente den oranan di marduga.
Manera ta conoci, e evento popular di “Copa Noord” ta andando eynan, y e Bar tabata bon gestock pa atende publico cu ta bay mira e competencianan.
Sinembargo den oranan di marduga, hendenan anti-social a logra bay te den e lugar aki, y asina a baha na awa cu caha di boter di Whisky, caha di cerbes Heineken, y tambe caha di boter di Biña.
En total a bay cu 2 caha di boter di Biña, y 50 caha di cerbes Heineken.
Cualkier persona cu por a mira algo, y cu a nota cu tin hende diripiente tin hopi cerbes na nan cas, bo por yama Tipline di Polis na 111-41 pa duna informacion pa asina por resolve e crimen aki, cu ta un golpi pa mundo di deporte.
