KPA a rebiba su 'Song Festival' e aña aki y lo tin diferente plan pa futuro y pa uni cu comunidad

David Leer a splica:

ORANJESTAD (AAN) — David Leer, ken a caba di termina su opleiding pa bira un Inspector di Cuerpo Policial (KPA), a duna DIARIO informacion tocante e festival di voz di polis, cu recientemente a tuma lugar na Renaissance Convention Center.

            Awo, despues di algun aña cu no a organiza e 'song festival' di KPA, David Leer, como presidente nobo di e Comision concerni, a dicidi di trece bek (rebiba) e festival di voz di polis. Den e ocasion aki tabata tin 11 cantante, di cual 6 ta di KPA, y cinco ta combina di Ministerio Publico, Triple A, y KIA.

            Cu entusiasmo, Leer a comenta cu e acogida tabata sublime, y KPA como tambe comunidad a duna nan e support.

            David Leer a expresa cu pa futuro tin varios plan pasobra e comision tey pa organiza diferente actividad pa coleganan pero tambe pa comunidad, como un manera pa trece pueblo y KPA hunto.