Poco despues cu el a ataca un hende cu machete
ORANJESTAD (AAN): Autoridadnan riba Diasabra anochi a wordo informa di un pelea cu hende herida a tuma lugar del Elleboogstraat na Playa. Eynan un hende aparentemente a worde maltrata cu machete, y a manda busca Ambulans pa atende.
Polis tambe a yega, y haciendo investigacion a bin haya sa cu e agresor cu a comete e atake aki, ta persona femenino Jennirette.
Diferente unidad di Polis a cuminsa busca rond pa check si por topa cu Jennirette. Y nan a bin haye den Breugelstraat, cu ta situa net banda pabao di edificio di Corte di Husticia.
Nan a haye abao riba e stupi cerca di trapi di un entrada na banda. A nota cu e mihor ta asina intoxica, y conociendo e persona como un hende violento, a pidi presencia di mas Polis pa asina pone den boei.
Mas problema ora di purba pone den Vehiculo di Transporte pa e bay Warda di Polis. E no kier colabora cu nada, y a keda Polis nada mas di wante na cada man y tambe pia, pa asina tine mihor domina, y pone den e vehiculo. Jennirette su mascota tambe tabatey y tabata djis mira con nan ta bay cu su doño.
Na final, polis a trata na piki algun pertenencia cu a keda atras pabao di Corte.
E lugar ey por bisa ta un lugar vast pa hopi di e adictonan reuni y tambe drumi anochi.
