Homber haya cu arma y su auto a wordo confisca

ORANJESTAD (AAN): Diadomingo den oranan di anochi, Central di Polis a ricibi diferente notificacion di un incidente riba Plaza Turismo, den area di Linear Park.

   E prome informacion no tabata hopi claro, pero tabata mustra cu un discusion entre algun hende a cuminza escala, y hendenan a mira cu un persona cu ta pusta boca, a cana bay “pa busca algo” den un auto tipo Toyota Mark X.

   Ora cu Polis a yega, a ricibi descripcion di e personanan cu ta actua anti-social eyriba.  Despues di un algun rato di tira bista, a topa esnan cu tabata cuadra cu e descripcion.  Momento cu a bay over na rista nan, a bin haya un arma di candela riba un di nan.

   Mesora e la wordo deteni y a pidi pa Vehiculo di Transporte yega pa asina e wordo hiba pa Warda di Polis.

   Ta conoci cu ley ta basta severo ora cu haya un hende cu arma di candela riba caya publico.  Polis a bay pa confisca e Toyota Mark X color shinishi cu number A-64184 tambe.  Takelwagen a yega eynan pa bay cu ne.