Homber deteni na San Nicolas relaciona cu trafico y contrabanda di hende

Tin un investigacion andando y no ta descarta mas detencion:

ORANJESTAD (AAN):   Riba diahuebs den oranan di mainta Unit Mensenhandel-Mensensmokkel di Cuerpo Policial (KPA) a haci un entrada hudicial na Caya Captain Rodgers, San Nicolas.

            Poco rato despues a detene un persona, un hende homber naci na Hulanda cu inicialnan M.T.E. pa trafico y contrabanda di hende (mensensmokkel y mensenhandel).

            E investigacion ta andando ainda y no ta descarta cu lo por tin mas detencion.

            E departamento di recherche Unit Mensenhandel-Mensensmokkel ta resorta bou Korps Politie Aruba y ta consisti di recherche nan di KPA y Koninklijke Marechaussee.”