ORANJESTAD (AAN): Diahuebs atardi banda di 3:35 pm, un unidad di Polis di Playa a ser manda den area di e Casnan di Pueblo na Bushiri, debi cu tin algun hoben molestiando tur hende eybanda.
Habitantenan ta pronostica cu un problema lo bay start eynan, debi cu algun momento prome tabatin presencia di Polis di Bario eynan, y a bay cu algun Motorcycle for di eynan.
Polis a yega y a bin haya tres baki grandi di sushi poni mey-mey di caminda. Henter e caminda tabata blokea cu e bakinan aki.
E agentenan mes a baha y a pusha e bakinan aki un banda. Diripiente un boter di Molotov-Cocktail a sali cay apenas algun meter for di Polis.
Mas unidad di Polis a yega, y hunto nan a controla rond, pero no a topa ningun hoben cu tabata causa molester. Na final a notifica Central di Polis di esaki.
