Hoben motociclista seriamente herida despues di accidente na Kas Ariba

ORANJESTAD (AAN): Tabata Diaranson anochi algo pasa di 8:30 pm, cu Central di Polis a dirigi unidad di Polis di Santa Cruz

cu urgencia na e T-weg di Caya Apolonio Werleman na Kas Ariba, como cu yamadanan a drenta di un accident serio eynan entre auto cu brommer.

   Ora cu e unidad di Polis a yega na e lugar, e oficialnan a nota cu ta trata di un accident serio, y cu e motorcycle cu number MFA-1314 a keda “claba” abao net dilanti di un Chevrolet S-10 Pickup color blanco cu number A-1610.

   Agentenan a mira cu e persona benta abao banda pazuid di caminda, ta e persona riba e motorcycle y el a ricibi multiple trauma na su cabes, y casi no tabata na tino mes eybao benta.  E tabatin dificultad pa hala rosea  Polis a nota cu e motociclista ta un persona masculino basta hoben.

   Mesora a pidi pa presencia mas urgente di Ambulans na e area aki.

   E pickup blanco tabatin un chauffeur di edad grandi tras di stuur, y e tabata bin di pariba, y a bay sorteer na e T-weg aki pa drenta na su banda robez, sin duna preferencia na e motorcycle.

   Dos unidad di Ambulans a yega na e lugar, y paramediconan a logra stabilisa e motociclista, y asina a bay cune mesora den Ambulans rumbo pa Servicio di Emergencia na Hospital.

   Polis di Trafico a yega na e lugar pa asina haci e investigacion.