Hoben herida den accident di cadena na Santa Cruz

ORANJESTAD (AAN): Diamars atardi den careda di 6'or polis di Santa Cruz a bay e T-weg na Santa Cruz,

net pariba di e Brug di Piedra Plat pa un boksmento entre cuatro auto.

   Polis a yega y nota cu e accident a socede net dilanti Santa Cruz 121, y e dalmento tabata entre un Toyota Mark X, un Hyundai Grandi i10, un Toyota Yaris y esun mas dilanti ta un Toyota Rav4.

   Testigona a bisa cu e Toyota Rav4 coriendo mas dilanti, na e T-weg a prepara pa bay bira na su man robez, pa move direccion Sero Pita.  E chauffeur mas patras no a regla su velocidad y a bay dal y pusha tur otro su dilanti.

   Ambulance a worde solicita, pa e chauffeur di e Toyota Yaris cu aunke tabata tin su seatbelt bisti lo a haya algun golpi, posibelmente whiplash.

   Paramediconan cu a presenta a trata e hoben den e ambulance mes na e sitio, y despues di un control el a baha y tabata mustra OK.

   Despues cu e ambulance a move, e autonan envolvi a worde movi y pa asina Forensys cuminsa atende cu tur.