Awe e homber di 68 aña tin 18 dia perdi
ORANJESTAD (AAN): Manera cu DIARIO a publica recien, e update ta cu keto bay e ciudadano Glenn Marlon Helmut Obispa di 68 aña di edad ta perdi. Famia a indica cu nan a bira mientras tanto hopi preocupa.
E ultimo biaha cu a mire tabata Diahuebs 20 di Augustus 2026, pues exactamente awe 18 dia pasa. Riba e fecha ey, Glenn a meld y a keda Glenn a meld y keda na un Stichting no leu di Dakota y a bay for di eynan algo despues di 6’or di atardi.
E momento ey e tabata bisti cu un camisa color berde (hunter), carson color preto, pechi color shinishi, su tas chikito preto y rugtas color bruin.
Den su rugtas tin un saco cu paña entre otro un camisa beige cu strepi hoki-hoki color preto, un camisa color cora, un camisa color blanco, un carson khaki y mea (no sa color).
Ta importante pa tene na cuenta cu Glenn tin problema di salud y no a bay cu su remedinan. Glenn tin problema di rudianan pues e no por cana hopi ni bon.
Glenn ta conoci pa bay for di cas entre 5 pa 10 dia pero nunca pa asina largo. Y semper a logra hay'e e camindanan cu e mes a bisa cu e lo ta y a ser mira semper den e dianan cu e sa bay pa famia of conocir.
Pero e biaha aki e no a ser haya ni mira cual a haci cu a notifica Cuerpo Policial y tur instancia concerni.
Si mira Glenn of si e acerca cualkier persona of si sa su paradero por tuma contacto cu Central di Polis 100 of number di contacto 562-2170.
Si acaso bo mira Glenn mes por fabor observa siguiente: (*) E ora. (*) E lugar. (*) Su vistuario. (*) Direccion si e ta canando.
Ta pidi na trahadornan di Departamento di Impuesto, New India Assurance, Fast Delivery, AZV, Ministerio Publico, Post Aruba, DOW y companianan y habitantenan den vecindario di Camacuri, Dakota, Primavera, Sabana Blanco, Cumana, Morgenster, Meiveld en especial pa ta atento.
Ta pidi cadena di oracion pa famia Obispa kendenan ta pasando momentonan hopi preocupante y intrankil.
