Alarma a wordo bati
ORANJESTAD (AAN): Diadomingo anochi algo pasa di 9’or, tanto Polis y Ambulans a dirigi nan mes na un Highrise Hotel na Palm Beach riba Irausquin Boulevard pa check algo serio.
Mesora diferente unidad di Polis y tmbe dos unidad di Ambulans a yega na Hotel RIU Palace Antillas, como cu hendenan a bin topa un dama turista sin señal vital.
Polis y Paramediconan a dirigi nan mes den e camber, y a bin topa cu un persona femenino cu no tin señal vital. E ta un señora di 57 aña di edad di nacionalidad Mericano.
Paramediconan a indica na Polis pa nan busca un Docter. Mientras tanto e seya e camber por si acaso ta start un investigacion pa check posibel crimen.
Ora cu Docter Forensico a yega, el a constata oficialmente morto, y a indica cu el a fayece di un ataca di curason. Bureau Slachtofferhulp a acudi pa yuda famia.
