ORANJESTAD (AAN): Den fin di siman, famia Obispa a haci un suplica na comunidad pa yuda nan logra localiza Glenn Marlon Helmut Obispa,
miho conoci como ‘Pacheco’ y tambe como ‘Don Glenn’. E tin 68 aña di edad.
Ultimo biaha cu a mira Glenn tabata siman pasa Diasabra 15 di Augustus 2026, y hendenan a mir’e na altura di Rotonde di Tarabana banda di 6’or di atardi.
E tabata bisti cu un camisa blanco manga largo, carson khaki, pechi riba cabez, un tas chikito preto, y un rugtas color maron.
Cualkier hende cu por a mira Pacheco of tambe Don Glenn, ta ser pidi pa yama Central di Polis na telefon 100, of famia via number 562-2170.
