Compara Parada di Luz na 2020 a detene 15 hende so
ORANJESTAD (AAN): Ta parce cu Diasabra anochi durante e Parada Nacional di Luz 2022, hendenan a bebe y bira mucho mas burachi y fastioso, compara cu e ultimo biaha cu Aruba a festeha Carnaval dos aña pasa na 2020.
Durante Parada di Luz na 2020 (dos aña pasa), Polisnan a detene un total di 15 persona cu tabata burachi, no a comporta, of sigui ordo di autoridad.
Durante Jouvert Morning Parade na 2020 (dos aña pasa), Polisnan a detene un total di 21 persona cu tabata burachi, no a comporta, of sigui ordo di autoridad.
AWOR NA 2022: Diasabra anochi pa Diadomingo madruga durante e Parada Nacional di Luz 2022, Polis a detene un total di 31 persona cu tabata burachi, no a comporta, of sigui ordo di autoridad.
Esey ta loke vocero di Polis a confirma. Durante e Parada di 2022, Cuerpo Policial Aruba tabatin un total di 150 agente policial riba pia ta patruyando.
Diferente departamento di Cuerpo Policial a traha hunto entre otro Polis Uniforma, Mobiele Eenheid, Motor Unit, K-9 unit, Mobiel Commando, Departamento di Recherche, Personal administrativo, Commando Kamer y tambe personal di CEA.
E Parada mes a sali pa 8:00 pm riba Diasabra ancohi. Pa Diadomingo madruga pa 12:25 am, e cabez di e parada a yega Ex-DOW na Playa. Pa 1:55 am e parada a yega su final.
Polis a confirma cu en total a conta cu 31 detencion. E detencionnan tabata entre otro pa: buracheria, no sigui ordo di polis, bringamento etc.
Un anochi cu diferente suceso pero Polisnan tabata activo pa mantene orden publico.
