Dos turista herida den accident na Playa ora vehiculo a kenter

ORANJESTAD (AAN): Diasabra mainta den careda di 10:00 am, tanto Polis y Vehiculo di Rescate di Cuerpo di Bombero a wordo manda na e crusada di Weststraat cu Avenida Alo Tromp, pa un accidente serio di trafico.

   E motibo cu Brandweer a ser manda tabata cu un vehiculonan debi na e momentum di e golpi, a kenter y a keda di banda.  A pensa cu kizas tin hende pega den e vehiculo.

   Na yegada di Vehiculo di Rescate, a bin realiza cu esey no tabata e caso y nan por a sigui nan caminda.

   Locual a sosode riba e cruzada aki, uno conoci pa accidente pa falta di dunamento di preferencia.

E off-road SUV Suzuki Jimny cu number V-2182 color shinishi scur, a subi e cruzada sin duna preferencia na un SUV tipo Chevrolet Groove cu number A-36488 color shinishi cu tabata bayendo direccion panort.

   Debi na e impacto e Suzuki a kenter y atrapa e ocupantenan pa un rato.

   Ambulance cu a presenta a atende cu esnan herida y na final a opta pa bay cu nan Hospitaal pa un control mas riguroso.  Takelwagen mester a lanta e V-auto pa asina trafico por a circula bek.