Dos herido den accident fuerte na cruzada di Kadushi Largo

ORANJESTAD (AAN): Tabata Bierna Santo anochi despues di 10:00 pm, cu Central di Polis a manda tanto Polis di Santa Cruz y unidadnan di Ambulans pa e cruzada di Kadushi Largo, pa un accident.

   E prome patruya di Polis cu a yega, a bin nota cu ta trata di boksmento di dos auto sedan, cu basta daño material, y tin total di 2 hende herida.  Uno ta un dama, y e otro ta un mucha.

   E dos autonan envolvi tabata un Ford Figo color shinishi, y un Hyundai Accent color blanco.  Na stuur di e Ford tabatin un dama Hulandes coriendo stage na Aruba, y e mucha herida tabata den e Hyundai.

   Dos ambulans tabata necesario, aunke ambos persona tanto e mucha y e dama tabata levemente herida. Falta di preferencia tabata e causa di e accident di trafico aki.