Diasabra tin 'Kijkdag' na warda di Oranjestad

ORANJESTAD (AAN): Cuerpo Policial Aruba ta organisando un “kijkdag” na Warda di polis Oranjestad. Abo a perde bo articulo den un of otro forma?

Bo por pasa libremente na e dicho warda pa reconoce bo articulonan. Pa abo por prueba cu bo ta doño di e articulo, tin algun rekisito mara na esaki cu bo mester cumpli cu ne.

            E siguiente documentonan cu bo mester bin cu ne ta: ID valido, Un rijbewijs valido, Paspoort valido y of un comprobante of recibo di e articulo cu bo a cumpra of ta doño di dje.

            E invitacion ta keda na comunidad pa por pasa diasabra 05 juni 2021, entre 9o’r mainta te cu 1o’r di atardi na Warda di Polis Oranjestad situa na Wilhelminstraat 2. Tene na cuenta cu mester mantene na reglanan stipula di COVID-19.