Diasabra mainta unidadnan motoriza a detene 17 chauffeur

Tur esaki despues di Jouvert Morning...

ORANJESTAD (AAN): Ta parce cu 17 persona cu a bay mira Jouvert Morning, no a corda mes riba Amigo Didi, tampoco riba Bo Amigo Responsabel (BAR).  Nan a bebe bay goal y a keda mira demasiado hopi den e boter.

   Riba e anochi di Diabierna pa Diasabra, y sigui te Diasabra mainta, cu ta despues di Jouvert Morning, Unidad Motorisa a tene nan control di trafico na diferente puntonan strategico pariba di brug.

   Den tur e oranan ey, nan a controla un cantidad impresionante di riba di 600 auto y vehiculo di motor y e saldo final ta cu nan a haya nan obliga na detene 17 chauffeur pa maneha bao di influencia di alcohol.  Nan a haci test di supla, y e cifra di µg/l cu e aparato a produci, a mustra cu nan tur a sobrepasa e limite legal.

   Esaki ta hopi mas compara cu 7 detencion di aña pasa, esta na 2025.

   Cuerpo Policial Aruba ta keda recorda un biaha mas, si bo ta bebe NO stuur. Busca Bo Amigo Responsabel (BAR) pa stuur pabo.

   Controlnan di unidad motorisa lo continua durante y despues di cada evenemento di Carnaval den fin di siman venidero.