ORANJESTAD (AAN): Diabierna merdia, Polisnan tabatin cantidad di agente riba caya pa asina percura cu tur e proceso di entrega di lista a core corecto sin cu tabatin violacion di reglanan.
Vocero di Polis a indica cu entre 75 pa 100 Polis tabata riba pia, incluyendo unidadnan motoriza cu a staciona na diferente skina pa asina blokea cualkier vehiculo cu por yega cu bandera y sistema di sonido. Schoolstraat mes a wordo cera solamente den e pida cu ta pasa cerca di Plasa Padu.
Y e caminda rond di Playa a keda hopi trankil sin ningun clase di aglomeracion.
