ORANJESTAD (AAN): Den e oranan di anochi di diasabra, rond di 8'or, polisnan a ricibi un yamada di emergencia tocante un posibel caso di bendemento di articulonan supuestamente horta, na altura di Reality Supermarket na Catiri.
E situacion a surgi despues cu algun dia pasa, un persona a raporta cu antisocialnan posiblemente tabata horta articulonan for di su boto. Varios cos a resulta horta, loke a genera preocupacion den e comunidad.
Anochi, un conocir di e persona afecta a bin dilanti ku informacion cu un persona tabata ofreciendo e articulonan horta na altura di un supermercado na Catiri. Den reason inmediato, e doño di e articulonan a informa polisnan y nan a bay e sitio.
Na nan yegada, polisnan a actua rapido, separando e partidonan envolvi y tuma declaracionnan. Despues di tende tur version di e storia, e doño di e articulonan a presenta documentacion cu ta sostene su keho di ladronicia.
Polisnan a detene e sospechoso y a transport’é pa e warda di Shaba. Ta spera cu e persona lo a sinta cu cu Sub Fiscal pa determina e siguridad di e detenido y investiga detayenan pa yega na claridad den e caso aki.
https://diario.aw/categories/noticia/policial/detencion-di-sospechoso-den-caso-di-bendemento-di-articulonan-horta-for-di-boto#sigProId3801ce2dff
