Dalmento a finalisa den auto gebolter den greppel

ORANJESTAD (AAN): Dialuna atardi poco despues di 3:00 pm, tanto Polis y unidad di Ambulance a mobiliza pa caminda di Kibaima pa Pos Abao, pa un accident cu hende herida.

   E accident aki a socede na Pos Abao, y debi na e impacto, un di e autonan compacto Chevrolet Spark color blanco cu number A-68306 a bolter y finaliza den e greppel.

   E otro ta un Kia Picanto color shinishi cu number V-5939 cu a keda para na banda poco pabao.

  Ambulance a presenta na e lugar pa duna asistencia na un di e ocupantenan di e Chevrolet Spark. Polis di trafico a presenta pa a haci su investigacion. No ta mucho cla ta con e accidente aki a sosode.