ORANJESTAD (AAN): En conexion cu e fin di siman cu actividadnan di Halloween, polis lo ta riba caya cu extra vigilancia.
Cuerpo Policial ta conciente cu fiesta di Halloween ta uno masha gusta pa pueblo y ta wordo festeha den gran forma.
Cuerpo Policial kier recorda cu lo tin suficiente polis riba caya pa cu e weekend aki.
Un recordatorio pa si bo ta bebe no stuur y si bo ta stuur no bebe. Tene na cuenta cu e protocolnan di DVG pa loke ta covid-19.
Wak pa bo papelnan di bo vehiculo di motor ta na ordo. Pasobra na cualkier momento polis lo por haci control den trafico.
Esaki ta un mensahe di Cuerpo Policial pa cu e fin di siman benidero.
