Wardacosta y KPA cu tremendo accion riba lama y riba tera -- *A detene 4 persona y confisca droga
ORANJESTAD (AAN): Diahuebs den oranan di mainta Wardacosta a detecta un boto cu tabata hasi movecionnan sospechoso den becindario di Baho.
E boto un dado momento a drenta na Rodgers Beach y a bay mara. Unabes mara, movecionnan sospechoso a sigui tuma lugar y a notifica Cuerpo Policial inmediatamente.
Cuerpo Policial a activa mesora y den e proceso a logra haci detencion di 4 persona, confisca 1 auto y un boto. Tambe a confisca diferente saco cual ta sospecha cu e contenido ta droga den un cas na Mabon.
Cuerpo policial tin e caso bow di investigacion. E caso tabata un bon colaboracion entre Cuerpo Policial y Wardacosta.
