Ciudadano a wordo tira pa dos homber desconoci cerca di Wilhelmina Park

ORANJESTAD (AAN): Un incidente a sosode Diasabra anochi. Algo prome cu 9'or polis a wordo yama pa bay Renaissance pa un hende homber herida.

   Tur cos ta indica cu e homber a wordo hinca durante un pelea. Pero a resulta cu durante e pelea, e agresornan cu pistol di aire a tira e homber, banda di e trata di hink'e.    

   Ambulance a presenta caminda e timekeeper di e hotel ta ubica y a atende cu e victima.

Testigo cu lo a mira kico a sosode a duna polis detaye di locual a sosode.

   Ta trata di dos homber agresor cu e victima a bisa di no conoce. Nan a core bay mesora.  Pues no ta trata di caso di hincamento, pero mas bien tiramento.

   Autoridad a keda haci algun investigacion na e sitio pero no a logra a haya mas e hombernan aki.