Chauffeur di Swift a keda deteni
ORANJESTAD (AAN): Den oranan di Diasabra marduga rond di 4'or, polis a atende un caso serio na Tanki Leendert, panort di e rotonde cu Watty Vos Blvd.
E yamada di alerta a indica cu tabatin un persona benta ariba caminda.
Polis a yega na e sitio y mirando e situacion mesora a pidi ambulance cu urgencia, ya cu e persona ariba caminda a wordo gedal pa un auto.
Masha hopi sanger tabata sali fo'i boca di e victima. Por a mira ariba caminda partinan di e spiel di e vehiculo cu a dal e.
E victima tabata na tino, ora cu Paramediconan tabata trat'e.
Algun meter leu, e chauffeur di e Suzuki Swift A-40322 a duna polis su version.
Por a mira cu e spiel banda drechi tabata ranca y na banda drechi di e auto tabata tin daño.
Na final, agentenan a detene e chauffeur di e Swift. El a wordo hiba warda di Shaba.
E victima a wordo transporta Hospital pa mas tratamento.
