Ciclista a sufri golpi grave na su cabes despues di dal contra container

ORANJESTAD (AAN):  Un incidente a sosode dialuna anochi band'i 8'or.  Ambulance a bay cu urgencia den e caya pazuid di ex Wimco na Dakota.

Eynan algun persona a mira con un ciclista a dal contra un container staciona band'i caminda.

            E homber a dal cu su cabes na partinan punta di e container y a cay, kedando na sanger y e momento ey lo a bay for di tino.

            Ambulance a yega lihe a tuma e homber over y hib'e den ambulance, unda e homber lo a bin bij. Testigonan a duna di conoce cu e golpi tabata hopi fuerte, y cu e homber tabata sangra hopi.

            Paramediconan a transporta e victima pa Hospitaal, unda lo a haci mas test, manera scan di cabes. E bicicleta a keda na encargo di esnan cu a yama ambulance.

            No ta conoci kico a pasa cu e no a mira e container na banda di caminda. Mester bisa si cu e caya ta scur y kizas esey a hunga un rol.