ORANJESTAD (AAN): Tabata Diasabra merdia cu habitantenan a tende un golpi basta duro sona, riba e caminda djis un tiki pazuid di e Santana Historico na Sero Patrishi.
Yamadanan a cuminza drenta na Polis di e accident den e birada aki y tin un hende herida.
Polis a yega y haya un auto compacto Toyota Agya color cora cu number A-10155 para parcialmente pabao riba caminda, cu golpi fuerte parti dilanti. Nan a nota cu pida cadushi rond di un troncon grandi di palo di mata a ricibi golpi, pero e palo di mata ta fuerte y no a cay.
E chauffeur a bisa Polis cu e tabata bayendo zuid y a slip cu su auto riba e caminda, y dal contra e troncon di mata. Despues di esey e auto a bay den scual y finalisa bek cara pariba.
El a keda sinta den e auto, como cu e ta herida. Ambulans a yega y Paramediconan a haya necesario pa bay cune Hospital. Roadservice a yega y a coordina pa lag aun Takelwagen kita e auto di eynan.
https://diario.aw/categories/noticia/policial/chauffeur-herida-ora-di-dal-cu-auto-den-troncon-di-mata#sigProIdcce2e9b639
