ORANJESTAD (AAN): A duna e homber chens pa e bay paga su boternan di Old Parr cu el a ‘mafia’.
Ya cu e no a cumpli cu e deadline, awor si su potretnan ta saliendo den prensa.
Tabata Diaranson anochi banda di 10:50 pm, un unidad di Polis di Noord a wordo manda den area di Unicasa Supermarket pa check un caso di ladronicia.
Ora cu Polis a yega, nan a papia cu e comerciante di inicial M. El a splica cu un homber desconoci, pa di dos biaha a drenta su negoshi.
Su actitud sospechoso a pone bay revisa grabacion di Security Video, y el a bin descubri e ora cu e homber aki a pasa man y horta 2 boter di whisky Old Parr.
El a sali, drenta un Toyota Yaris color blauw, y a desaparece.
Na prome instante, e comerciante no a entrega keho, pasobra el a duna e homber chens pa pasa paga pa e boternan aki prome.
Pero awor cu e shoplifter no a bay paga nan, e ora si e ta cla pa entrega keho di ladronicia, cu e imagennan di video como prueba.
https://diario.aw/categories/noticia/policial/camera-a-capta-con-shoplifter-a-horta-2-boter-di-old-parr#sigProIdbc29b655ee
