Boto piscado yegando Aruba tabatin droga abordo

ORANJESTAD (AAN): Tabata Diasabra mainta alrededor, kizas cu vigilancia di radar, autoridad a mira claramente con un boto ta biniendo zuid for di Venezuela y ta rumbo pa Aruba.

   Esaki a pone cu Guardacosta di Caribe Hulandes a bay haci un control, y a bin topa cu un boto local cu su dos outboard engine full speed poni pa bin Aruba.  E momento ey ya e ta algun miya cerca di Aruba.

   Guardacosta a pone e boto ‘Cassandra’ cu matricula A-2410 stop pa asina haci un control.  Nan a mira cu berdad e tabata biniendo for di rumbo di Venezuela.

   Abordo tabatin dos tripulante masculino, ambos di nacionalidad Hulandes biba na Aruba. Durante e control conhunto cu cacho di BOT K-9, a bin encontra 2 pakete sospechoso.

   Esaki a wordo confisca, y despues di investigacion cu tester, a resulta cu e paketenan tabata contene droga.

   E capitan y tripulante a worde deteni, acusacion di contrabando di narcotrafico, y a wordo hiba pa Pier di Guardacosta na Savaneta.

   Aki e dos persona deteni a wordo pasa pa Departamento di Crimen Organiza di Cuerpo Policial, pa sigui cu e investigacion.

  Autoridad no a divulga e peso di e droga.