ORANJESTAD (AAN): Tabata Diaranson algo prome cu 12’or di merdia, cu yamadanan a drenta cu ta indica cu tin un bululu riba un di e pisonan di Renaissance Marina Resort, y cu ta parce cu tin un huesped cu intencion serio di bula di halto.
Central di Polis a dicidi mesora pa dirigi tur unidad di Polis disponible pa bay check kico ta pasando. Pa seguridad a pone Ambulans tambe na altura, y a pidi presencia di Bomberonan pa yega eynan cu truck cu trapi.
Tabatin par di hende ta observa loke ta pasa na halto den Arnold Schuttestraat cu ta e caya net pariba di Renaissance Marina Resort.
Ta bon mes cu e lo a deshaci di e idea di bula for di balcon, pero parti paden di e camber e bululu a sigui. Diferente unidad di Polis a yega y a subi bay na e piso pa asina check kico ta pasando.
Security di Hotel tambe tabata dunando un man, y a splica na agentenan cu e turista masculino aki ta razo, y nan ta sospecha cu e ta bao influencia fuerte di alcohol of otro substancia.
Pa evita cu e ta sigui crea problema pe mes, y trece bida di demas huesped na peligro, a dicidi na aresta e homber. Gerencia a bisa cu nan no kier e huesped ey mas den nan resort tampoco. Polis a manda busca vehiculo di transporte, cu a bay cune pa asina autoridadnan papia cune y purba na calme un poco.
Na final, tanto Ambulans y tambe Brandweer a regresa bek pa nan post.
https://diario.aw/categories/noticia/policial/autoridadnan-a-actua-rapido-pa-evita-cu-homber-ta-bula-for-di-balcon#sigProId5a9d8cbd7e
